FLASH
Shkruar nga Pamfleti
Në platformën Polymarket është hapur një treg parashikimi për fatin politik të Edi Ramës, ku përdoruesit vendosin para mbi mundësinë që ai të largohet nga posti i kryeministrit deri në fund të vitit 2026...
Një zhvillim i pazakontë ka tërhequr vëmendjen në platformën ndërkombëtare “Polymarket”. Në faqen e njohur për parashikime me para reale, është hapur një “treg” mbi fatin politik të kryeministrit Edi Rama.
Pyetja që shtrohet është e drejtpërdrejtë: “Edi Rama largohet si kryeministër i Shqipërisë në 2026?”. Sipas të dhënave aktuale, vetëm rreth 19% e pjesëmarrësve në këtë treg besojnë se Rama mund të largohet nga posti deri më 31 dhjetor 2026, ndërsa shumica parashikojnë që ai do të vijojë në detyrë.
Sipas rregullave të publikuara në platformë, rezultati do të konsiderohet “Po” nëse Edi Rama pushon së qeni kryeministër për çdo periudhë kohe nga momenti i hapjes së tregut deri në fund të vitit 2026. Në të kundërt, nëse ai qëndron në detyrë gjatë gjithë kësaj periudhe, rezultati do të jetë “Jo”.
Një element i rëndësishëm është se edhe një njoftim për dorëheqje apo shkarkim brenda këtij afati do të mjaftonte për ta mbyllur menjëherë tregun me rezultatin “Po”, pavarësisht kur hyn në fuqi vendimi.
Platforma përcakton se rezultati do të bazohet në informacione zyrtare nga vetë Edi Rama apo qeveria shqiptare, por në raste të caktuara mund të merret në konsideratë edhe një konsensus raportimesh të besueshme mediatike.
Ky lloj “basti” nuk është një sondazh tradicional, por shpesh shihet si një tregues i perceptimit dhe pritshmërive të përdoruesve ndërkombëtarë mbi zhvillimet politike.
Megjithatë, vlerat e tregut reflektojnë më shumë bindjet e pjesëmarrësve sesa një analizë të mirëfilltë politike, dhe nuk përbëjnë një parashikim zyrtar për të ardhmen politike në Shqipëri.
Hapja e një tregu të tillë për Shqipërinë tregon gjithashtu se zhvillimet politike në vend po ndiqen edhe nga platforma globale, duke e futur debatin vendas në një kontekst më të gjerë ndërkombëtar.
Si funksionon “Polymarket”
Polymarket është një platformë online e njohur si “prediction market”, ku përdoruesit vendosin para reale për të parashikuar rezultatin e ngjarjeve të ndryshme, nga politika dhe ekonomia, deri te sporti apo zhvillimet globale.
Ndryshe nga bastet tradicionale sportive, Polymarket funksionon mbi parimin e tregut: përdoruesit blejnë ose shesin “aksione” që përfaqësojnë një rezultat të mundshëm, si për shembull “Po” ose “Jo” për një ngjarje të caktuar. Çdo treg në Polymarket ka një pyetje konkrete, si p.sh. nëse një politikan do të qëndrojë në detyrë apo jo brenda një afati të caktuar. Përdoruesit mund të blejnë “Po” ose “Jo”, dhe çmimi i këtyre opsioneve ndryshon në kohë reale, në varësi të kërkesës dhe ofertës.
Për shembull, nëse “Po” tregtohet me 20 cent, kjo interpretohet si një probabilitet prej 20% që ngjarja të ndodhë, sipas perceptimit të tregut. Në fund të afatit të caktuar, tregu “mbyllet” dhe rezultati përcaktohet bazuar në burime zyrtare ose raportime të besueshme. Nëse rezultati përputhet me parashikimin e përdoruesit, çdo “aksion” i blerë shlyhet me vlerën 1 dollar. Në të kundërt, humbet vlerën.
Kjo do të thotë se përdoruesit fitojnë nëse parashikimi i tyre është i saktë dhe humbin nëse rezulton i gabuar. /Pamfleti
Reklam e mire kjo per polymarket qe njerzit te investojne atje ata dy lek qe kane
Jeni bere krroma fare si ato mizat e bajgave pas parase. Nuk mjafton qe e ropet popullin më të gjitha mjetet e tani sajoni lotto ‘dru me pre’.
Po të jap nje analiz të saktë me shifra zyrtare për zgjedhjet parlamentare të 11 majit 2025 në Shqipëri: Përfundimisht * PS fitoi bindshëm zgjedhjet * Por pjesëmarrja ishte më pak se gjysma e popullsisë * Kjo do të thotë se shumica e qytetarëve nuk votuan fare ⸻ ????️ 1. Sa janë votuesit në Shqipëri? * Votues të regjistruar: rreth 3,713,897 qytetarë ⸻ ???? 2. Sa % votuan? * Pjesëmarrja: 44.83% ???? Pra: * Votuan ≈ 1.66 milion qytetarë * Nuk votuan: ≈ 55.17% e votuesve ⸻ ???? 3. Sa mori PS dhe PD? ???? Partia Socialiste (PS) * Vota: 856,177 * Përqindja: 53.27% ???? Partia Demokratike (PD) aleatët * Vota: 529,354 * Përqindja: 32.93% ⸻ ???? 4. PS fitoi me sa % të pjesëmarrësve? ???? Kjo është shumë e rëndësishme: * PS mori 53.27% të votave të atyre që votuan ✔️ Pra shumicë absolute brenda votuesve aktivë ⸻ ???? 5. Po ndaj gjithë popullsisë me të drejtë vote? Le ta shpjegoj thjesht: * Votuan vetëm 44.83% * Nga këta, PS mori 53.27% ???? Pra në total: * PS u votua nga rreth 23–24% e gjithë votuesve të regjistruar ⸻ ???? Përmbledhje e thjeshtë * ???? Votues gjithsej: 3.7 milion * ????️ Votuan: 44.83% * ❌ Nuk votuan: 55.17% * ???? PS: 53.27% e votave * ???? PD: 32.93% e votave * ???? PS fitoi me shumicë të votave të atyre që morën pjesë ⸻ ✔️ Përfundim * PS fitoi bindshëm zgjedhjet * Por pjesëmarrja ishte më pak se gjysma e popullsisë * Kjo do të thotë se shumica e qytetarëve nuk votuan fare
Futja kot. Treg leshi, mjet per me zhvat pare me kulture.