Politike 4 Mars 2024, 16:07

Hapja e bazës ushtarake në Kuçovë, Dogjani: Skandal, qeveria na ftoi dhe na la pa karrige

Shkruar nga Pamfleti

Hapja e bazës ushtarake në Kuçovë, Dogjani: Skandal,

Deputeti Asllan Dogjani tha se mazhoranca ftoi deputetët e opozitës në inaugurimin e bazës ajrore ushtarake të NATO-s por nuk kishte vendosur karrige për ta.

Në një reagim në Facebook, ai shkruan se kjo sjellje arrogante e qeverisë ndaj opozitës është e paprecedent. Dogjani u shpreh se u detyruan të largoheshin pasi nuk kishte asnjë protokoll dhe nuk u vlerësuan.

“E pa precedent sjellja arrogante e mazhorancës ndaj deputetëve të opozitës!

Ne, deputetët e opozitës, anëtarë  të Komisionit të Sigurisë kombëtare  në respekt të Kushtetutës, dhe detyrimit si vend anëtar i NATO-S ishim sot në Kuçovë me rastin e inagurimit të bazës ajrore ushtarake te NATO-s.

Pavarësisht se ishim dhe të ftuar u detyruam të largoheshim, se nuk kishte asnjë protokoll, nuk u vlerësuam.

Ne qëndruam 5 minuta në respekt të himnit kombëtar e atij të NATO-s dhe u larguam!

Arroganca e kësaj qeverie kishte arritur deri aty, sa nuk kishte lënë as karrige për deputetët e opozitës”, shkruan Dogjani.