FLASH
Shkruar nga Pamfleti
Ka përfunduar procesi i numërimit në Shijak, një nga zonat më të ndjeshme në qarkun e Durrësit, ku Partia Socialiste ka dalë fituese me një diferencë prej rreth 2 mijë votash ndaj Partisë Demokratike.
Sipas të dhënave zyrtare, PS ka marrë 7118 vota, ndërsa PD është ndalur në 5266, duke konfirmuar dominimin e mazhorancës edhe në këtë njësi zgjedhore.
Menjëherë pas përfundimit të numërimit të votës së fundit, përfaqësuesit dhe mbështetësit e PS-së kanë shpërthyer në festë, duke e konsideruar rezultatin si një konfirmim të mbështetjes popullore në terren, pavarësisht sfidave kombëtare.
Fitorja në Shijak përbën një tjetër pikë strategjike për Partinë Socialiste, që po forcon pozicionin e saj në qarkun e Durrësit. Opozita duket se ka humbur terren në këtë zonë, duke shtuar shqetësimet për strategjinë e saj në zgjedhjet e këtij viti.
Lini një Përgjigje