Shkruar nga Pamfleti
Sekretari për Marrëdhëniet me Publikun në PD, Edvin Kulluri ka komentuar situatën në të cilën ndodhet Partia Demokratike, tashmë e përçarë në tre pjesë dhe deklaratat e ardhura nga ambasada amerikane, e cila paralajmëruar “të mos angazhohen me non-gratat”.
I ftuar në Euronews Albania, Kulluri ka thënë se Gazment Bardhi ka gënjyer kur ka thënë se Amerikës i intereson më shumë opozita e bashkuar se çështja e non gratës pasi sipas tij, vetë Bardhi nuk ka pasur asnjë komunikim me amerikanët për sa i përket kësaj çështje.
“Zoti Bardhi për mendimin tim ka gënjyer, kur ka thënë se Shtetet e Bashkuara të Amerikës janë më të interesuar për një opozitë të bashkuar se sa çështja e non-gratës. Unë bëra një pyetje. Cilët amerikanë ka takuar zoti Bardhi se më rezulton që nuk ka takuar asnjë amerikan në lidhje me këtë çështje.
Ai mund të ketë takuar ndonjë turist amerikan në sheshin Skënderbej apo në plazh, por kjo është tjetër çështje. Nuk ka të bëjë me qëndrimet e Shteteve të Bashkuara lidhur me qëndrimin e qartë që mund të jetë edhe i gabuar për zotin Berisha në Shtetet e Bashkuara të Amerikës”, tha Edvin Kulluri.
