FLASH
Shkruar nga Pamfleti
Ditën e sotme do të mbahet seanca e fundit plenare në Parlament. Deputetja e Partisë Demokratike Jorida Tabaku, para nisjes së seancës plenare u shpreh se sot PD do të kërkojë interpelancë për inceneratorët.
Në një deklaratë për mediat, Tabaku foli gjithashtu edhe për pezullimin e fondeve të BE për bujqësinë në Shqipëri është një njollë turpi për institucionet shqiptare dhe për imazhin e vendit tonë.
Sipas deputetes, tashmë akuzat nuk janë vetëm mediatike apo të bërë nga opozita, por vijnë edhe nga OLAF.
“Mbrëmë vonë mbaroi punët Kuvendi për zbatimin e MSA, PD insistoi që çështjet kryesore dhe shqetësimet të paraqiteshin atje. Ne kemi shprehur shqetësimet në lidhje me zgjedhjet. Diskutuam për lirinë e medias që është kthyer në kryefjalën e takimit të djeshëm. Elementi i tretë ka qenë korrupsioni dhe lufta ndaj korrupsionit. Sot çështja e inceneratorëve është bërë jo vetëm një akuzë e opozitës, por edhe nga drejtësia. Abuzimi me fondet e bujqësisë nga BA është sot një akuzë e certifikuar nga OLAF. Është një njollë turpi. Të gjitha këto shqetësime i shprehëm në rezolutën e përbashkët të miratuar. PD do të insistojë që të përfshirët interpelanca për inceneratorët. Ky parlament është mbledhur tre herë për interesat private të 3 personave që janë në kërkim”, tha Tabaku.
Lini një Përgjigje