FLASH
Shkruar nga Pamfleti
Deputeti socialist Erion Braçe ka denoncuar derdhjen e ujërave të zeza në Liqenin Artificial në Tiranë.
Teksa ka ndarë një video nga liqeni, deputeti shprehet se ky krim mjedisor duhet të ndalet menjëherë. Braçe thotë se kjo evidentohet edhe për shkak të aromës së rëndë që ndihet në zonë.
“Derdhja e ujërave të zeza në liqen është krim mjedisor, mjafton të lëvizësh në këtë anën e liqenit që kufizuar me liqenin e thatë dhe zonën rreth e qark për të kuptuar thjesht nga aromat se sa ujëra të zeza po derdhen në liqen. Duhet ndalur. Kjo është e vetmja hapësirë ujore brenda parkut dhe brenda gjithë Tiranës”, dëgjohet të thotë Braçe në video.
Krahas videos, deputeti shkruan se nuk ka dhunim më të rëndë të hapësirës publike sesa derdhja e ujërave të zeza, duke kërkuar reagim të menjëhershëm.
“Derdhja e ujrave të zeza në liqen nga zona e Liqenit të Thatë – mbi të dhe anash tij në drejtim të kopshtit oologjik, është evidente, të çajnë hundët, veçanërisht pas një periudhe të gjatë të nxehtë dhe pa rreshje. Nuk ka dhunim më të rëndë të hapësirës publike, në kufijtë e një krimi mjedisor! duhet të ndaaaaaaluuuuuur!”, shkruan Braçe.
View this post on Instagram
Lini një Përgjigje