FLASH
Shkruar nga Pamfleti
Xhemal Qefalia, deputeti i PS-së, që në 11 maj garon në listën e hapur të kësaj partie në Qarkun e Tiranës, ka komentuar fushatën elektorale, si dhe pritshmëritë e partisë më të madhe sa i takon garës elektorale.
Qefalia, në Report TV, tha se në Tiranë Partia Socialiste do të arrijë rezultatin rekord në të gjitha fushatat e bëra nga kjo forcë politike, ku tha se do të marrë nga 20 deri në 21 mandate.
“Ne presim që të marrim nga 20 deri në 21 mandate në Tiranë. I kemi me fakte dhe me patronazhistë, po të doni. Pritshmëria është shumë e madhe. Tirana do të marrë një rekord mandatesh ndër vite”, tha Qefalia.
I pyetur se asnjë sondazh nuk e nxjerr më shumë se 19 mandate, Qefalia u shpreh “unë vij nga terreni dhe kam kontakte nga terreni me qytetarët. Lista e PS-së është me përvojë dhe në kontakte me qytetarët ka një optimizëm të jashtëzakonshëm”.
Lini një Përgjigje