FLASH
Shkruar nga Pamfleti
Ish-ministri i Drejtësisë i qeverisë Rama, Ylli Manjani ka reaguar pas lajmit se SPAK nuk ka arritur ta gjejë kontratën origjinale të koncesionit të "Sterilizimit" në ministrinë e Shëndetësisë.
Për këtë kontratë për të cilën janë derdhur 80 milionë euro nga buxheti i shtetit dhe janë të arrestuar tetë zyrtarë dhe koncensionari vetë.
Habia e Manjanit në rrjetet sociale sot përmblidhej në shprehjen “këtu është i gjithë shteti për burg!"
“Hahahahahahahahahahhaahahahhahahahahaahahahahahahhahahahahahahahahahahahahahahhaahha! Ooo, sa kam qesh! Lot or lot!
Ore prit njëherë, prit! Pra, SPAK ka vajtur në arkivën e Ministrisë së Shëndetësisë dhe nuk gjen kontratën origjinale të koncensionit të nënshkruar nga ministri?! Uau! Asnjë rresht në protokollin e Ministrisë nuk tregon regjistrimin e aktit?! Uau, Uau, Uau! Ka akoma ministri Shëndetësie që e paguan ky shtet?! Uaaaaaa! Kjo është përtej çdo imagjinate.
Po mirë, pyetje:
1. Me çfarë akti janë ekzekutuar pagesat në Thesar?!
2. Po hetimi i derisotëm mbi cilin akt zyrtar ka ndodhur?!
3. Ore, a ka ndodhur koncensioni apo jo?!
E pabesueshme! Çfarë s’po dëgjojmë. Këtu është i gjithë shteti për burg. Kolaps total. Thesari i Shtetit bën pagesa me letra informale! Ministria si institucion shumëzohet me zero.", shkruan ai.
Për këtë dosje të SPAK janë arrestuar biznesmeni i sterilizimit dhe ish-zv.ministri i Shëndetësisë të cilët u lanë me arrest me burg një ditë më parë nga GJKKO.
Lini një Përgjigje