Shkruar nga Pamfleti
Deputetja britanike, Alicia Kearns ka reaguar pas vrasjes së zyrtarit policor në veri të Kosovës si dhe sulmin që po vijon ende në Leposaviç.
Përmes një reagimi në platformën “X”, Kearns shkruan se është thellësisht e shqetësuar për një tjetër sulm të orkestruar ndaj forcave të rendit në Kosovë.
"Thellësisht shqetësuese për të parë një tjetër sulm të orkestruar ndaj forcave të rendit në Kosovë. Zemra ime është me familjet e rreshterit të policisë të vrarë dhe të lënduarve që u shërbejnë komuniteteve të Kosovës. Policia e Kosovës duhet të jetë në gjendje të mbrojë sundimin e ligjit pa kërcënim të dhunës", shkruan Kearns.
Deputetja britanike shkruan më tej se situata ende vazhdon të jetë e tensionuar pasi që po vazhdojnë të shtënat me armë zjarri në Manastirin e Banjskës.
“Imazhet fillestare tregojë se personat e armatosur janë ushtri të financuara mirë dhe të pajisura, duke përfshirë edhe automjete të blinduara. Përgjegjësit duhet të përballen me drejtësinë. Le të shpresojmë që askush tjetër të mos lëndohet”, tha deputetja britanike.
