FLASH
Shkruar nga Pamfleti
Deputeti holandez i Parlamentit Europian, Thijs Reuten, i ka dhënë një “shuplakë” të fortë presidentit serb Aleksandar Vuçiç, i cili nuk firmosi planin franko-gjerman.
Ai e konsideron këtë qëndrim të Vuçiqit zhgënjyes dhe të pritshëm.
“Refuzimi i turpshëm i Vuçiçit për të nënshkruar marrëveshjen e normalizimit me Republikën e Kosovës, të cilën ai ‘e pranoi’ të hënën, sugjeron qartësisht se Serbia po luan me kohën. Metodat e buta duhet të marrin fund. Karrotat kanë dështuar. Nxirrni shkopinjtë”, shkruan eurodeputeti në profilin e tij në Twitter.
Ndërkohë, edhe më herët, ligjvënësit holandezë kanë kërkuar dënimin e Serbisë për qasjen agresive ndaj Kosovës dhe për mos-dënimin e luftës së Rusisë në Ukrainë përmes sanksioneve.
Madje është kërkuar që Serbisë t’i ndalohet anëtarësimi në BE dhe t’i rikthehet regjimi i vizave.
Lini një Përgjigje