Shkruar nga Pamfleti
Ish-raportuesja për Kosovën në Parlamentin Evropian dhe njëkohësisht, ministrja e Punëve të Jashtme e Sllovenisë, Tanja Fajon, është shprehur se duhet bërë gjithçka që dialogu mes Kosovës dhe Serbisë të vazhdojë.
Fajon në një intervistë për gazetën austriake, “Der Standard” tha se Kosova duhet të bëjë përpjekje për themelimin e Asociacionit të komunave me shumicë serbe.
Ish-raportuesja për Kosovën në Parlamentin Evropian tha se shpreson që Kurti dhe Vuçiç do të gjejnë një mënyrë “për ta kapur këtë moment”.
“Mendoj se është shumë e rëndësishme që të dyja palët të ushtrojnë njëfarë përmbajtje. Ne duhet të bëjmë gjithçka që dialogu ndërmjet Kosovës dhe Serbisë të vazhdojë. Kosova me të vërtetë duhet të bëjë përpjekje për të krijuar Asociacionin e komunitetit serb dhe për të siguruar integrimin dhe mirëqenien e popullit të komunitetit serb. Kur bëhet fjalë për propozimin e BE-së, e kuptoj se bëhet fjalë për vendime politike jashtëzakonisht të vështira me shumë pasoja të mundshme. Megjithatë, shpresoj se si Beogradi ashtu edhe Prishtina, në krye me politikanët e tyre, do ta gjejnë një mënyrë për ta kapur këtë moment. Sepse është e vështirë të thuash se kur do të shfaqet një mundësi e re”, tha ajo.
