Kosova18 Mars 2023, 09:29

Në pritje të nisjes së bisedimeve me Vuçiçin, Kurti takohet me Ali Ahmetin në Ohër

Shkruar nga Pamfleti

Në pritje të nisjes së bisedimeve me Vuçiçin, Kurti

Kryeministri i Kosovës, Albin Kurti ka zhvilluar një takim joformal me kreun e Bashkimit  Demokratik për Integrim (BDI), Ali Ahmeti në Ohër të Maqedonisë së Veriut.

Kurti dhe Ahmeti shihen duke konsumuar një kafe, teksa edhe bisedojnë me njëri-tjetrin. Takimi i tyre vjen pak para takimit që Kurti do të zhvillojë me presidentin e Serbisë, Aleksandër Vuçiç, në kuadër të dialogut mes dy vendeve, ndërmjetësuar nga Bashkimi Evropian.

Të dy liderët konfirmuan pjesëmarrjen e tyre në këtë takim, i cili do të fillojë në orën 10:00. Përfaqësuesi i Lartë i BE për Politikë të Jashtme dhe Siguri, Josep Borrell dhe i dërguari i BE për dialogun Kosovë-Serbi, Miroslav Lajçak do të zhvillojnë takime me secilin nga liderët, duke filluar nga ora 10:30.

Më pas, do të ketë një takim trepalësh. Takimi do të fokusohet në finalizimin për zbatimin e aneksit të planit evropian për rrugën drejt normalizimit të marrëdhënieve ndërmjet Kosovës dhe Serbisë. Në fund të takimit do të ketë një deklaratë për mediat nga Borrell.

kurti takon ali ahmetin