FLASH
Shkruar nga Pamfleti
Këngëtari Gjesti ka njoftuar se do të ndërmarrë hapa ligjorë ndaj kompanisë Onima, duke e akuzuar për shkelje të të drejtave të autorit mbi veprat e tij muzikore. Artistit i është bërë e qartë, pas konsultimeve me ekipin ligjor, se rruga e drejtësisë është e vetmja mundësi për të mbrojtur repertorin e tij.
Sipas deklaratës zyrtare, konflikti lidhet me një kontratë që, sipas Gjestit, është nënshkruar pa dijeninë dhe autorizimin e tij, dhe që përfshin të drejtat e autorit për të gjitha veprat e tij muzikore.
“Pa dijeninë dhe pa autorizimin tim kanë nënshkruar kontratë rreth të drejtave të autorit për të gjitha veprat e mia,” tha Gjesti, duke ngritur dyshime serioze mbi mënyrën e menaxhimit të të drejtave artistike.
Artistit i është bërë e qartë gjithashtu se do të jetë i hapur ndaj publikut dhe mediave. Ai paralajmëroi dalje publike së bashku me avokatin e tij, ku do të sqarojë çdo detaj të çështjes dhe do t’u përgjigjet pyetjeve të gazetarëve.
Ky zhvillim ka tërhequr menjëherë vëmendjen e fansave dhe industrisë muzikore, duke rikthyer në fokus një temë shumë delikate: të drejtat e autorit dhe raportet kontraktuale mes artistëve dhe kompanive menaxhuese.
Lini një Përgjigje