FLASH
Shkruar nga Pamfleti
Pas një jave në paraburgim, Besart Kelmendi, i njohur si Gjesti, është liruar.
Më herët, Gjykata Themelore në Prishtinë kishte vendosur masën e paraburgimit prej një muaji ndaj tij, duke u bazuar në dyshime për përfshirje në vepra penale si “kanosja”, “asgjësimi apo dëmtimi i pasurisë” dhe “mbajtja në pronësi, kontroll ose posedim të paautorizuar të armëve”.
Vendimi i gjyqtares së procedurës paraprake u mor pas shqyrtimit të kërkesës së Prokurorisë Themelore dhe dëgjimit të palëve në proces. Në atë fazë, gjykata kishte vlerësuar se ekzistonin arsye të mjaftueshme për caktimin e masës së paraburgimit.
Megjithatë, zhvillimet e fundit tregojnë se masa është shfuqizuar dhe këngëtari është liruar nga mbajtja, duke kaluar në gjendje të lirë, ndërsa procedurat ligjore pritet të vijojnë në vijim.
Lirimi i tij ka tërhequr vëmendje të madhe në media dhe rrjete sociale, duke qenë se rasti kishte ngjallur interes të gjerë publik që në momentin e caktimit të paraburgimit.
Lini një Përgjigje