FLASH
Shkruar nga Pamfleti
Sot, 40 vjet më parë, në stadiumin Heysel në Bruksel të Belgjikës ndodhi tragjedia më e madhe në historinë e futbollit evropian.
UEFA vendosi që finalja e Kupës së Kampioneve midis Liverpulit dhe Juventusit do të luhej në Heysel më 29 maj 1985, edhe pse stadiumi nuk i plotësonte standardet e sigurisë.
Për shkak të gjendjes shumë të keqe, zyrtarët e Liverpulit i kërkuan UEFA-s që ndeshja të luhej në një stadium tjetër, por kërkesa u refuzua.
Fatkeqësisht, frikërat e drejtuesve të të kuqve u realizuan gjysmë ore para fillimit të ndeshjes kur huliganët anglezë sulmuan tifozët e Juventusit në tribuna.
Duke pasur parasysh numrin e vogël të oficerëve të policisë, tifozët e Liverpulit nxituan drejt zonës neutrale të mbushur me tifozë bardhezinj. Në panik, qindra njerëz u përpoqën të shpëtonin, por hasën në një mur betoni, i cili u shemb nën presionin e turmës, dhe shumë prej tyre u shtypën ose u shkelën në rrëmujë.
39 persona vdiqën, 32 prej tyre italianë, ndërsa rreth 600 të tjerë u lënduan.
Juventusi i kërkoi UEFA-s anulimin e ndeshjes, por kërkesa e tyre u refuzua. Juventusi fitoi 1-0 me golin e Mishel Platini nga pika e bardhë. Tifozët e Liverpulit u fajësuan për tragjedinë e Heysel dhe të gjitha klubet angleze u përjashtuan nga garat europiane për pesë vjet.
Një gjykatë në Belgjikë shpalli 14 tifozë të Liverpulit fajtorë për vrasje të paqëllimshme dhe i dënoi ata me tre vjet burg, nga të cilat ata vuajtën rreth një vit. Stadiumi u rinovua në vitin 1995 dhe që atëherë ka emrin aktual, Stadiumi King Baudouin, sipas mbretit belg.
Lini një Përgjigje