FLASH
Shkruar nga Pamfleti
Arbër Hoxha mund të ndryshojë ambient gjatë merkatos së verës. Shqiptari aktualisht është pjesë e Dinamos së Zagrebit në Kroaci.
Por 26-vjeçari mund të largohet nga kroatët për një tjetër aventurë në karrierën e tij. Interesim konkret për të ka nga Turqia. Saktësisht është skuadra e Kajserispor që kërkon shërbimet e shqiptarit.
Ekipi turk siç dihet drejtohet nga Sergej Jakiroviç, i cili në të kaluarën ka drejtuar edhe Dinamon e Zagrebit. Kështu 48-vjeçari e njeh mirë Hoxhën, të cilin ka kërkuar që ta ketë sërish nën urdhrat e tij, këtë herë tek ekipi turk.
Bisedimet mes palëve janë në fazën fillestare. Lideri i Kombëtares ka kontratë me Dinamon e Zagrebit edhe 1 sezon tjetër dhe mbetet të shihet nëse kroatët do të heqin dorë nga shqiptari.
Në këtë sezon Hoxha ka luajtur në 41 ndeshje, ku ka shënuar 3 gola dhe ka asistuar 3 herë të tjera. Ndërkohë nga “transfermarkt” vlerësohet 1.5 milionë euro.
Kujtojmë se ndër të tjerë janë disa lojtarë të Kombëtares, pjesë e Superligës këtë sezon.
Këtu mund të përmendim Manajn, Muçin, Mujën, Seferin dhe Ajetin. Kajserispor duhet të paguajë për shërbimet e Arbër Hoxhës, pasi ka kontratë të vlefshme deri në vitin 2027.
Lini një Përgjigje