FLASH
Shkruar nga Pamfleti
Ernest Muçi është padyshim një prej talentëve më të mëdhenj që futbolli shqiptar ka prodhuar në vitet e fundit.
Një futbollist klasi, modern dhe plot hijeshi që ka dalë nga akademia e Tiranës dhe tashmë po dhuron shfaqje në Poloni me gjigantët e Lexhias së Varshavës.
Në ndeshjen përballë Uidzju Lodz, talenti shqiptar shkëlqeu duke shënuar një dygolësh, njëri më i bukur se tjetri. Në minutën e 85, trajneri e nxorri nga fusha për të vetmen arsye që të merrte duartrokitjet dhe ovacionet e publikut.
Dhe ashtu ndodhi. I gjithë stadiumi i Lexhias u ngrit në këmbë të brohoriste emrin e djaloshit shqiptar. “Ernest Muçi, Ernest Muçi, Ernest Muçi”, dëgjohej në stadium, teksa 22-vjeçari i drejtohej stolit i shoqëruar nga kapiteni i skuadrës, Josue.
Lini një Përgjigje