FLASH
Shkruar nga Pamfleti
Lionel Mesi u shpall “Lojtari më i mirë” në ceremoninë e edicionit të shtatë të “The Best FIFA Football Awards”, që u organizua në Paris.
Ylli argjentinas, i cili fitoi më në fund Kupën e Botës me Argjentinën e tij të dashur, triumfoi në garën e fortë me Karim Benzema dhe Kilian Mbape.
Po si votuan kapitenët dhe trajnerët e Shqipërisë dhe Kosovës?
Silvinjo, Alen Zhires, Etrit Berisha dhe Amir Rrahmani, nuk kishin dyshime në lidhje me më të mirin.
Të katërt zgjodhën Lionel Mesin si preferencën kryesore. Trajneri i kombëtares kuqezi futi edhe Nejmarin, bashkëpatriotin e tij, në treshe.
Ndërkohë, portieri Etrit Berisha, përveç “Pleshtit” votoi për Erling Haland dhe Kilian Mbape.
Ndër të preferuarit e Rrahmanit, i cili po shkëlqen me Napolin, nuk mungoi Vinisius Zhunior, ylli i Realit të Madridit.
Shqipëria
Etrit Berisha: Lionel Mesi, Erling Haland, Kilian Mbape.
Silvinjo: Lionel Mesi, Karim Benzema, Nejmar.
Kosova
Amir Rrahmani: Lionel Mesi, Kilian Mbape, Vinisius Zhunior.
Alen Zhires: Lionel Mesi, Karim Benzema, Kilian Mbape
Lini një Përgjigje