Shkruar nga Pamfleti
Trajneri i Kombëtares, Sylvinho, pas ndeshjes me Poloninë u shpreh i kënaqur me lojën e skuadrës në fushën e lojës por jo me rezultatin e arritur. Sipas tij një barazim do të kishte qenë rezultati më i drejtë për këtë përballje.
Ai shtoi se nuk duhet harruar që po luanim kundër një skuadre që ka luajtur në evropianët dhe botërorët e fundit.
“Është një humbje që dhemb, sepse luajtëm ndaj një kundërshtari të fortë por ne bëmë një ndeshje me shpirt dhe zemër. Në pushim u thashë djemve se duhej të qëndronim në lojë deri në minutën e fundit, ta barazonim e ndoshta edhe ta fitonim, Ata më kuptuan në gjithçka. Ne ishim aty dhe më vjen keq sepse barazimi do të kishte qenë rezultati i duhur por duhet ta pranojmë.
Patjetër që do t’i analizojmë që të gjithë momentet e nbdeshjes për të kuptuar se çfarë duhet të bëjmë më mirë. Ndoshta duhet të rregullojmë diçka në mbrojtje. Nuk duhet të harrojmë se kishim përballë një skuadër shumë të fortë që ka luajtur në europianët dhe botërorët e fundit. Ideja ishte që në minutën 65-70 të bëja zëvendësimet. I bëra të gjitha ndryshimet e pjesës së dytë siç i kisha parashikuar më parë. Nuk mund të lejonim që të pësonim golin e dytë pasi ndeshja do të ishte mbyllur dhe prandaj nuk rrezikova", tha Silvinho.
