FLASH
Shkruar nga Pamfleti
Mundësi Zelimkhan Abakarov i dha medalje argjendi Shqipërisë këtë javë, teksa u mund vetëm në finalen e Kampionatit Europian me shifrat 5-2 në kategorinë e peshës 61 kg nga armeni Arsen Harutjunjan.
Çeçeni që përfaqëson vendin tonë bëri një rrugëtim pozitiv. Ai triumfoi ndaj gjermanit Steshele me rezultatin e thellë 11-0, ukrainasit Markoviç 6-2 dhe gjeorgjianit Fartenadzhe (4-4), por Abakarov kaloi më tej për shkak të aksioneve.
Sot, Abakarov ka bërë një postim në rrjetet sociale, ku përveç se uron Bajramin, shfrytëzon rastin për të falenderuar të gjithë për mbështetjen.
“Të gjithë besimtarëve myslimanë u uroj festën e Fitër Bajramit! Kampionati Europian përfundoi dje në Zagreb të Kroacisë dhe unë arrita të fitoj vetëm medaljen e argjendtë për Shqipërinë dhe për veten time! Faleminderit shumë për urimet tuaja, por nuk mund të shoh përgjigjet e të gjithëve! Ky argjend, natyrisht, nuk më kënaq, por i jam mirënjohës të Plotfuqishmit për këtë medalje dhe qoftë për të mirë për mua! Fillimi më i rëndësishëm në karrierën time sportive është përpara, dhe këto janë Lojërat Olimpike në Paris në vitin 2024! Do të bëj gjithçka në fuqinë time për këto ndeshje në “Paris 2024”. Faleminderit, Shqipëri, faleminderit, Tiranë” – shkruan Abakarov.
View this post on Instagram
Lini një Përgjigje