Sport12 Shkurt 2024, 16:54

“Jemi të lumtur për 1 pikëshin”, Uzuni flet pas barazimit me Barcelonën: Bëmë një ndeshje të madhe!

Shkruar nga Pamfleti

“Jemi të lumtur për 1 pikëshin”, Uzuni flet pas

Sulmuesi shqiptar, Myrto Uzuni ishte titullar dhe protagonist në barazimin e Granadas, në transfertë ndaj Barcelonës me shifrat 3-3.

Shqiptari dha asistin për një prej golave të skuadrës së tij, teksa kishte edhe mundësi shënimi, i ndalur nga një pritje e shkëlqyer e Ter Stegen.

Në fund të sfidës, ai e cilësoi duelin në fjalë si një ndeshje të madhe të skuadrës së tij, që kishte marrë një pikë shumë të rëndësishme për moralin në një sezon ku po lufton për mbijetesën në elitë.

Jemi shumë të lumtur për pikën, kishim nevojë për të. Erdhëm në Barcelonë për të bërë një ndeshje të madhe. Sipas meje e kemi bërë dhe mendoj se edhe mund t’i mposhtnim. Duke luajtur kështu, do të luftojmë në çdo ndeshje për të fituar.

Shpresoj që tifozët të qëndrojnë gjithmonë përkrah nesh, të kenë besim te ne. Do të japim gjithçka në ndeshjen ndaj Almerias. Është një finale për ne dhe do të japim shpirtin për këtë fanellë”, tha ai në mbyllje të duelit.

uzuni