Sport16 Mars 2023, 21:16

Kampioni i Botës me mbështetje qesharake, Briken Calja në hije: Më kanë lënë në harresë

Shkruar nga Pamfleti

Kampioni i Botës me mbështetje qesharake, Briken Calja në hije:

Peshëngritja si sporti kryesor i vendit tonë dhe i traditës, sporti që ka sjellë historikisht shumë medalje në vendin tonë, duket se po kalon një krizë rezultatesh dhe viti 2022 ka qenë ndër më të dobëtit të këtij sporti vetëm me dy medalje; të Erkand Qerimajt në Europian dhe lojërat Mesdhetare, ndërkohë që Briken Calja i dëmtuar dhe nuk arriti të marrë asgjë nga aktivitetet e shumta të atij viti.

Tashmë i rikuperuar dhe në formën e dikurshme në stërvitje, Calja përgatitet për Europianin e muajit të ardhshëm në Armeni.

Testet e këtij viti tregojnë se realisht po kthehem në nivelet e mia, sa i përket mungesës në kampionatin kombëtar që lamë pas pata disa probleme me analizat dhe nuk munda të merrja pjesë dhe të rrezikoja për të ruajtur forcat sepse është shumë i rëndësishëm dhe në top listë jam i pari.”- tha peshëngritësi Briken Calja.

Në të vërtetë në kampionatin kombëtar të zhvilluar në palestrën e një hoteli nga FSHP-ja pak gjëra u mësuan, megjithatë mungesa e Caljes tregoi një qendrim në hije të tij që vetë sportisti nga Shtërmeni tregon se diçka nuk po shkon si duhet me këtë qendrim në hije të tijin.

“Sa për pjesën e hijes mund të them se më shumë më ka lënë Federata mua se sa unë Federatën. Mbështetja ka qenë shumë e paktë për të mos thënë inekzistente, Një kampion bote nuk mund të trajtohet si çdo sportist tjetër përderisa pretendojmë të shkojmë në Lojërat Olimpike të marrim medalje në kampionatin europian është vit kualifikues për olimpiadën dhe nuk mund ta kalojmë me një trajtim të përgjysmuar dhe qesharak.”- tha Calja për “Top Channel”.

Në Olimpiadën e ardhshme, “Paris 2024”, peshëngritja ka testin e fundit dhe mund të jetë pjesëmarrja e fundit e këtij sporti në aktivitetin më të madh futbollistik, pasi për vitin 2028 ende është jashtë projekteve të komitetit olimpik ndërkombëtarë.

“Nga peshëngritja shqiptare maksimumi mund të kualifikohen 2 sportistë, njëri prej tyre jam unë. Por kualifikimi është bërë shumë i vështirë, pasi kuotat janë përgjysmuar. Maksimumi janë 120 kuota për të gjithë botën, prej tyre 60 janë meshkuj dhe 60 femra. Ka shtete që kanë filluar grumbullimin që nga përfundimi i olimpiadës së shkuar. Në këto momente që ne flasim është një situatë shumë e vështirë, kemi një mbështetje shumë inekzistente“- tha Calja.

briken calja peshëngritësi shqiptar