FLASH
Shkruar nga Pamfleti
Kombëtarja e Portugalisë do të përballet me Meksikën dhe Shtetet e Bashkuara në dy ndeshje miqësore pa praninë e Kristiano Ronaldos. Mungesa e kapitenit 41-vjeçar është zhvillimi kryesor në listën e publikuar nga trajneri Roberto Martinez.
Sipas informacionit të disponueshëm, Ronaldo nuk është grumbulluar për shkak të një dëmtimi që po e mban jashtë fushave edhe me klubin e tij, Al Nassr. Nuk ka detaje të mëtejshme mbi natyrën apo kohëzgjatjen e dëmtimit.
Në listën prej 27 futbollistësh bien në sy prania e Rikardo Hortës dhe Gonzalo Guedes. Ndërkohë, një tjetër mungesë është ajo e Zhoao Palhinja.
Arsyet e përjashtimit të tij lidhen me formën jo optimale të Totenhemit dhe një tronditje të pësuar pas një përplasjeje me Kristian Romeron, megjithëse nuk ka konfirmim zyrtar të detajuar mbi gjendjen e tij.
Me mungesat në repartin e mesfushës, përgjegjësia pritet të bjerë mbi Ruben Neves, Zhoao Neves dhe Vitinja, të cilët konsiderohen si elementët kyç për organizimin e lojës së Portugalisë në këto sfida.
Portugalia është pjesë e Grupit K në fazën finale të Botërorit të këtij viti. Në këtë grup bëjnë pjesë gjithashtu Uzbekistani, Kolumbia dhe fituesja e “play-off”-it mes Republikës Demokratike të Kongos, Kaledonisë së Re dhe Xhamajkës.
View this post on Instagram
Lini një Përgjigje