Shkruar nga Pamfleti
Diego Longo është trajneri i tretë që shkarkohet nga drejtimi i një klubi të Superiores. Skuadra durrsake i ka komunikuar vendimin trajnerit italian, teksa humbjet në Laç dhe ndaj Vllaznisë nuk janë përtypur.
Teuta është klubi i tretë në elitë që largon trajnerin në start, teksa fillimisht këtë hap kanë ndjekur Laçi dhe Kukësi. Menjëherë në klubin durrsak kanë filluar të qarkullojnë zëra për një rikthim të mundshëm të Edi Martinit, por kjo mbetet për t’u parë në orët në vijim.
Teuta ndodhet në vendin e tetë me vetëm 4 pikë (me një ndeshje më pak, atë ndaj Partizanit) dhe shumë larg obejtiktivit për të qenë minimalisht mes katër më të mirëve në Superligë.
