FLASH
Shkruar nga Pamfleti
Mirlind Daku vetëm pak ditë më parë arriti të pajisej me pasaportë shqiptare dhe kjo do të thotë se tashmë do të jetë një alternativë për Silvinjon.
Ish-sulmuesi i Kukësit e mbylli sezonin te skuadra e Mura në Slloveni, ku bëri paraqitje fantastike. Tashmë sulmuesi shqiptar është rikthyer tek Osijeku, pasi këta të fundit zotërojnë kartonin e tij. Kontrata aktuale e 25-vjeçarit me skuadrën kroate i përfundon në qershor të vitit 2024.
Daku në 37 ndeshje në të gjitha garat me Mura arriti të shënonte 22 gola dhe dhuroi 2 asiste. Paraqitje këto që kanë tërhequr vëmendjen e gjigandëve rumunë. Rapidi i Bukureshtit ka shfaqur interesim për sulmuesin.
Në fakt mediat rumune theksojnë se drejtuesit i kanë bërë ofertë zyrtare 25-vjeçarit dhe në ditët në vijim pritet të arrihet edhe marrëveshja mes palëve. Ofeta e Rapidit kap shifrën e 800 mijë eurove, teksa Osijeku për të lënë të lirë sulmuesin kërkon 1 milionë euro.
Lini një Përgjigje