FLASH
Shkruar nga Pamfleti
Një aksident rrugor me pasojë plagosjen e dy personave është regjistruar mesditën e së hënës, rreth orës 14:05, në afërsi të qytetit të Gramshit.
Sipas të dhënave paraprake, një automjet që dyshohet se po qarkullonte me shpejtësi të lartë ka humbur kontrollin, ka dalë nga rruga dhe është rrokullisur disa herë, duke përfunduar i përmbysur në anë të saj.
Si pasojë e aksidentit, janë plagosur drejtuesi i mjetit dhe një pasagjer. Burime nga vendngjarja bëjnë me dije se të dy janë nxjerrë nga automjeti dhe janë transportuar drejt spitalit për të marrë ndihmë mjekësore. Deri tani nuk ka informacion mbi gjendjen e tyre shëndetësore.
Pas njoftimit, në vendin e ngjarjes mbërritën shërbimet e Policisë dhe ekipet e urgjencës, të cilat kryen veprimet e para dhe siguruan zonën. Ndërkohë, grupi hetimor ka nisur punën për zbardhjen e rrethanave të aksidentit. Paraprakisht dyshohet se shkak ka qenë humbja e kontrollit të automjetit si pasojë e shpejtësisë.
Hetimet vijojnë për të përcaktuar dinamikën e plotë të ngjarjes dhe përgjegjësitë përkatëse.
Lini një Përgjigje