FLASH
Shkruar nga Pamfleti
Kombëtarja shqiptare u mposht me rezultatin minimal 0-1 nga Izraeli në ndeshjen miqësore të zhvilluar në stadiumin “Air Albania”.
Një ditë pas takimit, portieri Alen Sherri ka reaguar përmes një postimi në rrjetet sociale, ku ndau emocionet e paraqitjes së tij të parë si titullar me fanellën kuqezi.
Sherri, i cili regjistroi ndeshjen e tij të dytë me Kombëtaren, mori besimin e stafit teknik që nga minuta e parë dhe zhvilloi një paraqitje pozitive në portën shqiptare.
Përmes një mesazhi në Instagram, gardiani kuqezi e cilësoi këtë si një moment të veçantë në karrierën e tij sportive.
“Dje kisha nderin dhe krenarinë të vesh fanellën e Kombëtares së Shqipërisë për herë të parë si titullar. Një moment që nuk do ta harroj kurrë. Faleminderit të gjithëve për mbështetjen!”, shkroi Sherri.
View this post on Instagram
Portieri shqiptar mbetet një nga alternativat e rëndësishme për repartin e portës, ndërsa aktivizimi i tij si titullar në miqësoren ndaj Izraelit përbën një tjetër hap në rrugëtimin e tij me ekipin kombëtar.
Lini një Përgjigje