FLASH
Shkruar nga Pamfleti
Alen Sherri luajti në ndeshjen e fundit të Serisë A mes Napolit dhe Kaljarit, në një stadium të tejmbushur nga napolitanët që përgatiteshin për festën e titullit kampion. Portieri shqiptar nuk cilësohet titullar te skuadra e Kaljarit, por me pritjet që shfaqi ndaj napolitanëve, nuk është çudi që të ketë vendosur në mendime të thella trajnerin Davide Nikola.
Pritjet e tij sidomos në pjesën e parë mbajtën në ankth jo pak skuadrën e Napolit, që duhej medoemos të fitonte, sidomos pasi mësoi se Interi kishte kaluar në avantazh. Ai u mposht, po pa patur faj te golat e pësuar që sollën fitoren për vendasit.
Ndaj nuk është çudi që prestigjiozja italiane “Gazetta Dello Sport”, ka vlerësuar portierin shqiptar me notën 6,5 që është relativisht e lartë, për paraqitjen ndaj Napolit.
“Në pjesën e parë mban të çuar murin, shpëton ndaj Gilmour në një dalje në tokë e pastaj fluturon edhe ndaj Rrahmanit. Bën atë që mundet”, shkruhet në komentin për Sherrin i cili ishte më i miri i skuadrës së Kaljarit sipas gazetës italiane, teksa ishin katër lojtarë të tjerë që e ndiqnin pastaj me notën 6.
Lini një Përgjigje