FLASH
Shkruar nga Pamfleti
Atalanta U20 ka fituar Kupën e Italisë për këtë grupmoshë, pasi mposhti Juventusin U20 pas goditjeve të 11-metërshave, në një finale të luftuar deri në sekondat e fundit. Koha e rregullt përfundoi në barazim 1-1, ndërsa nga pika e bardhë bergamaskët triumfuan me rezultatin 4-1.
Juventusi kaloi i pari në avantazh me golin e shënuar nga Rikon. Bardhezinjtë administruan rezultatin për pjesën më të madhe të takimit, por Atalanta reagoi në minutat shtesë. Isoas barazoi në minutën 90+4, duke rikthyer shpresat dhe duke çuar sfidën te pika e 11-metërshit.
Nga pika e bardhë, Atalanta u tregua më e saktë, duke siguruar trofeun me rezultatin përfundimtar 4-1.
Roli i Gabriel Ramajt
Kapiteni shqiptar, Gabriel Ramaj, ishte një nga lojtarët më të spikatur në fushë gjatë finales. Në fund të ndeshjes, ishte pikërisht ai që ngriti trofeun, duke kurorëzuar suksesin e skuadrës së tij.
Ramaj aktivizohet si qendërmbrojtës dhe konsiderohet një element i rëndësishëm i ekipit U20 të Atalantës.
20-vjeçari numëron:
10 ndeshje me Kombëtaren shqiptare U21
3 paraqitje me Shqipërinë U17
Ai vijon të jetë pjesë e strukturave të ekipeve kombëtare, duke u konsideruar një nga talentet premtuese në mbrojtje.
Lini një Përgjigje