Sport24 Qershor 2024, 16:21

“Sa mirë është të jetosh pa presion, gati ekipi B”, mediat spanjolle para ndeshjes: Shqiptari nuk enjeh kurrë dorëzimin!

Shkruar nga Pamfleti

“Sa mirë është të jetosh pa presion, gati ekipi

Sa mirë është të jetosh pa presion, me kënaqësinë e punës së bërë dhe objektivit të arritur. Kështu përballet skuadra spanjolle në Dyseldorf sonte në orën 21:00 kundër Shqipërisë, ndeshja e fundit e fazës së parë, pasi fitoi dy ndeshjet e para të grupit të vdekjes ndaj Kroacisë dhe Italisë që siguruan vendin e tyre në raundin e 1/16-ve si e para.

Kështu, në përballjen ndaj shqiptarëve, Luis de la Fuente ka mundësinë të menaxhojë skuadrën e tij dhe t’u japë mundësi atyre që kanë pasur më pak minuta. Edhe duke bërë disa testime.

Nga ana tjetër, rivali po rrezikon vendin e tij në fazën tjetër. Me barazimin në ndeshjen e dytë ndaj Italisë, shanset e tyre për të kaluar në fazën e 16-të mbeten të paprekura, por gjithçka varet nga mposhtja e Spanjës së fuqishme, një prej favoritëve të mëdhenj të këtij Kampionati Europian pas fillimit të shkëlqyer.

Shqipëria nuk ka asgjë për të humbur dhe ka treguar se është një ekip që konkurron me çdo rival. Italisë iu desh të vuante shumë – dhe të rikthehej – për të siguruar tre pikët e saj dhe Kroacia pa fitoren që u largua në frymën e fundit. Sepse shqiptarët nuk dorëzohen në asnjë moment dhe do të jetë një provë e mirë për këtë ekip spanjoll solid, intensiv dhe agresiv, pikërisht me një prekje ballkanike.

Kjo edhe sepse rivali i mbrëmjes së sotme ka nuanca edhe nga Barcelona. Ajo stërvitet nga Silvinjo, i cili shoqërohet nga Pablo Zabaleta si asistent. Ish-lojtarët e Barcelonës dhe Espanjolit jetojnë në kryeqytetin katalanas, ku stërvitet edhe Ivan Balliu, mbrojtësi Rajo Vajekanos, i cili kishte origjinë shqiptare dhe mori nënshtetësi. Lojtari i ri i Barçës, i cili ende nuk ka luajtur në këtë turne, synon të startojë në vendin e Hysajt.

Zabaleta ishte pikërisht në Gelsenkrishen të enjten e kaluar duke spiunuar drejtpërdrejt skuadrën spanjolle kundër Italisë. Trajneri i dytë shqiptar ishte dëshmitar i paraqitjes së La Rojas, por përfundimet që ai arriti të nxirrte do t’i vlejnë pak.

Spanja do të dalë sonte në “Merkur Spiel-Arena” në Dyseldorf me një ekip plot me futbollistë të pazakontë. De la Fuente do të ndryshojë praktikisht të gjithë njëmbëdhjetëshen e tij, megjithëse e panjohura kryesore është në boshtin e mbrojtjes. Do të duhet të shihet nëse trajneri i “Furisë së Kuqe” preferon të rrezikojë me atë që ka apo do të shpikë një qendërmbrojtës.

mediat spanjolle