FLASH
Shkruar nga Pamfleti
Reali i Madridit ka siguruar një tjetër firmë të rëndësishme për të ardhmen e tij, duke firmosur me talentin argjentinas Franko Mastantuono për 60 milionë euro. Djaloshi do të bashkohet në gusht me madrilenët, sapo të ketë mbushur 18-vjeç.
“Reali i Madridit komunikon se Franko Mastantuono do të jetë një lojtar i klubit tonë për 6 sezonet e ardhshme, nga 14 gushti 2025, deri më 30 qershor 2031.
Mastantuono është rritur në akademinë e River Plejt mes 2019 dhe 2024 si dhe është bërë pjesë e ekipit të parë që nga sezoni 2024-2025. Në shkurt 2024, u bë shënuesi më i ri në historinë e River Plejt, skuadër me të cilën fitoi Superkupën e Argjentinës.
Vetëm 17-vjeç, ai u bë lojtari më i ri që ka luajtur një ndeshje zyrtare me përfaqësuesen e Argjentinës në historinë e saj”, shkruhej në njoftimin e Realit.
Megjithatë, djaloshi do të bashkohet me Realin në gusht, pasi të ketë luajtur me River Plejt Botërorin e Klubeve, ku do të jetë kundërshtar edhe i madrilenëve.
Ai është blerja e tretë e Realit të Madridit këtë verë, pas Trent Aleksandër-Arnold nga Liverpuli dhe Dean Huijsen nga Bërnmuth. Reali i Madridit gjithashtu emëroi Çabi Alonson si trajnerin e tyre të ri për të zëvendësuar Karlo Ançelotin, pasi dështoi të fitonte një trofe të madh këtë sezon.
Lini një Përgjigje