FLASH
Shkruar nga Pamfleti
Starton miqësorja në “Air Albania” mes Shqipërisë dhe Jordanisë. Pas fitores kundër Serbisë në Leskovac, kuqezinjtë do të synojnë që të marrin një tjetër fitore, e cila do të shërbente më shumë për të kënaqur tifozët që kanë zgjedhur ta ndjekin nga shkallët e stadiumit.
Për dy skuadrat, kjo është hera e dytë në histori që përballen mes tyre, teksa vetëm njëherë më parë janë ndeshur në një miqësore në “Elbasan Arena”, e mbyllur në barazim 0-0, teksa asokohe trajner i kuqezinjve ishte Kristian Panuçi.
Jordania ndodhet në Tiranë prej dy ditësh, teksa Federata i ka mundësuar që të stërvitet në kryeqytet, për të pritur ndeshjen ndaj kuqezinjve. Skuadra e Jordanisë, është zyrtarisht e kualifikuar për në Botërorin e ardhshëm dhe për kuqezinjtë, është një test i rëndësishëm për të parë të rinjtë, aq më tepër në një moment kur atmosfera në skuadër është shumë pozitive.
Fitorja e kuqezinjve vlerësohet me 1.60, ndërsa fitorja e mundshme e Jordanisë ka kuotën e 5.75. Nga ana tjetër barazimi vlerësohet me 3.50.
Në këtë takim, kuqezinjtë do të gjykohen nga një treshe zvicerane, teksa gjyqtar i katërt do të jetë Juxhin Xhaja.
Kryesori i takimit, është përcaktuar Lukas Fandrish, i ndihmuar nga Jonas Erni dhe Nikolas Myler. Gjyqtari kryesor, është një emër i njohur për Kombëtaren tonë, pasi ka gjykuar në ndeshjen kualifikuese për Botërorin e 2022, kundër San Marinos në “Elbasan Arena”, ndeshje kjo e fituar nga kuqezinjtë me rezultatin e thellë 5-0.
Gjyqtari zviceran, nuk kishte shumë punë për të bërë në atë takim, duke akorduar vetëm një karton të verdhë për miqtë.
Lini një Përgjigje