FLASH
Shkruar nga Pamfleti
Torino ka shfaqur interes për të siguruar shërbimet e mesfushorit shqiptar të Interit, Kristjan Asllani, por përballen me pengesa të mëdha financiare për ta realizuar këtë transferim.
Sipas “Tuttosport”, Interi e vlerëson 23-vjeçarin me rreth 18 milionë euro, një shifër që shkon përtej mundësive aktuale të “Granatave”.
Për këtë arsye, një opsion mund të jetë huazimi fillestar, ose përfshirja e një përqindjeje të konsiderueshme (30-40%) nga shitja e ardhshme e lojtarit për të ulur çmimin.
Një tjetër problem për Torinon është paga e Asllanit, e cila në Milano arrin 2 milionë euro neto në sezon, shumë më e lartë se ajo që mund të ofrojë klubi torinez. Kjo do të kërkonte që lojtari të pranonte një ulje të pagës për t’u transferuar.
Pavarësisht interesit, marrëveshja nuk duket e lehtë, edhe pse Asllani, i cili nuk është më pjesë e planeve të Interit, preferon të qendrojë në Serinë A dhe nuk ka marrë në konsideratë opsione jashtë Italisë.
Lini një Përgjigje