FLASH
Shkruar nga Pamfleti
Max Verstappen është rikthyer me një fitore dominuese në Çmimin e Madh të Teksasit, duke dalë i pari në pistën e Austin dhe rihapur garën për titullin kampion në Formula 1. Piloti holandez i Red Bull dhuroi spektakël, duke udhëhequr garën nga fillimi në fund pa asnjë moment pasigurie.
Pas tij u rendit britaniku Lando Norris i McLaren, i cili zhvilloi një duel të fortë me Charles Leclerc të Ferrarit, i cili e mbylli garën në vendin e tretë, duke plotësuar kështu podiumin. Lewis Hamilton u pozicionua i katërti, ndërsa kryesuesi aktual i renditjes, Oscar Piastri, u mjaftua me vendin e pestë, duke humbur pikë të rëndësishme.
Falë kësaj fitoreje, Verstappen e ngushton diferencën me Piastrin në vetëm 40 pikë, kur kanë mbetur edhe pesë gara dhe një sprint deri në fund të sezonit. Ndërkohë, rivaliteti brenda McLaren është gjithashtu ndezur, pasi Norris ndodhet vetëm 14 pikë prapa shokut të tij të skuadrës.
Gara e radhës do të zhvillohet në Meksikë, pas një jave, dhe pritet të jetë vendimtare për fatet e titullit.
Lini një Përgjigje