Zvicra U-17 dhe Shqipëria U-17 kanë ndarë pikët për ndeshjen kualifikuese të Europianit në fazën “Elite Round”.
Kuqezinjtë e nisën shumë mirë sfidën, teksa zhbllokuan rezultatin në minutën e 15 me Sulejmanin. Falë golit të tij ekipi i Bulkut e mbylli pjesën e parë në avantazh. Ndërsa në pjesën e dytë ndryshuan gjërat. Në minutën e 66 të sfidës, Romano barazoi shifrat duke vulosur kështu dhe fatin e sfidës.
Kuqezinjtë nuk u pajtuan me këtë rezultat dhe menjëherë vënë presing për të shënuar të dytin, por nuk ia dolën. Kjo ishte ndeshja e dytë eleminatore e vlefshme për europianin U-17. Pas dy takimeve kombëtarja jonë ka vetëm 1 pikë.