FLASH

TAGS-AT E DITES

pasaportat e arta

Na ndiqni edhe në
KONTAKT TE DHENAT PERSONALE COOKIES
“Pasaportat e arta” që po shpëtojnë oligarkët rusë, Komisioni Europian kritikon ashpër vendet anëtare - Bota

TAGS-AT E JAVËS

Bota28 Mars 2022, 14:55

“Pasaportat e arta” që po shpëtojnë oligarkët rusë, Komisioni Europian kritikon ashpër vendet anëtare

Shkruar nga Pamfleti
“Pasaportat e arta” që po shpëtojnë oligarkët

Pasuritë e oligarkëve rusë, janë kthyer në një nga pikat më të nxehta të pasojave të sanksioneve që Perëndimi ka vendosur kundrejt Rusisë.

Por disa oligarkë kanë arritur të shpëtojnë pjesë të pasurisë së tyre marramendëse për faktin se të paktën zyrtarisht, ata nuk janë më nënshtetas rusë.

Ata kanë përfituar nga politika tejet liberale e disa vendeve të BE-së për dhënien e nënshtetësisë, e bazuar jo aq në vitet e rezidencës dhe të një përfshirje sociale të qartë në atë vend, por me paratë që sjell.

Është rasti i vendeve si Bullgaria, Qipro dhe Malta, ku të paktën këto të fundit nuk janë vetëm parajsa fiskale, por edhe parajsa për ato që dëshirojnë të shndërrohen në qytetarë të BE-së në kohë të shpejtë, duke investuar disa qindra mijëra euro në atë shtet. “Pare xhepi” për oligarkë me asete që vlejnë miliarda euro, por tashmë tejet të rëndësishme për të mënjanuar sanksionet perëndimore dhe për të udhëtuar lirshëm.

Sot Komisioni Europian ka kritikuar ashpër praktikën e këtyre vendeve, të cilësuar si “pasaportat e arta”, duke kërkuar kontrolle të forta.

Por fenomeni nuk është i thjesht për t’u kontrolluar, dhe monitoruar, sepse përtej vendeve të cituara, fenomeni duket sikur është më i gjerë sesa mendohet.  Bëri bujë në këtë kuptim zbulimi se tashmë ish-pronari i Chelsea, miliarderi Roman Abramovic, kishte marrë nënshtetësi portugeze.

Në Maltë, nënshtetësia merret pas një investimi, pra me kapitale të ardhura jashtë vendit, rreth 690 mijë euro. Por kërkesa e ishullit që nënshtetasit e ri të banojnë në mënyrë efektive deri në 3 vite para se të marrin pasaportën e dëshiruar, nuk duket më e favorshmja për miliarderët lindorë.

Bota KE Rusia Ukraina

Bota