#shtepi bari

Hapën “shtëpi bari” në Spanjë, përfundojnë në prangat e policisë 10 shqiptarë - Aktualitet
Aktualitet11 Shkurt 2022, 17:13

Hapën “shtëpi bari” në Spanjë, përfundojnë në prangat e policisë 10 shqiptarë

Shkruar nga Pamfleti
Hapën “shtëpi bari” në Spanjë,

10 shqiptarë kanë rrënë në prangat e policisë spanjolle pasi ishin anëtarë të një organizate kriminale të dedikuar për kultivimin dhe shitjen e marijuanës në shkallë të gjerë, e cila vepronte në të gjithë provincën e Alicante.

Agjentët e Policisë Kombëtare njoftojnë se shqiptarët e moshës 19 deri në 32 vjeç, u arrestuan në Elche, një ndër qytetet ku ata vepronin dhe ku kishin disa shtëpi dhe ndërtesa industriale që i përdornin për kultivimin e lëndëve narkotike.

“Pas disa muajsh hetime, policia ka arrestuar 10 persona. Është një grup i strukturuar në mënyrë perfekte që kishte disa shtëpi dhe ndërtesa industriale të shpërndara në qytete të ndryshme që i përdornin për të kultivuar lëndë narkotike,” informon policia.

Agjentët kryen kontrolle në gjashtë prona, ku u sekuestruan më shumë se 2000 bimë marihuanë në gjendje të avancuar rritjeje dhe lulëzimi, një numër i madh sythash të thara të përgatitura për shpërndarje, para kash, rreth 4330 euro dhe materiale të ndryshme që lidhen me kultivimin.

Plantacionet ndodheshin brenda këtyre ndërtesave dhe kishin një sistem elektrik të sofistikuar të përbërë nga disa transformatorë dhe sisteme drite që favorizonin rritjen e bimëve. I gjithë furnizimi me energji bëhej në mënyrë ilegale.

Të arrestuarit akuzohen për vepra të ndryshme penale si “krime kundër shëndetit publik”, “pjesë e një grupi kriminal” dhe “mashtrim me energjinë elektrike”.

Aktualitet #shtepi bari Spanjë