FLASH
Shkruar nga PamfletiAnija mallrash po operonte në një itinerar nga Shqipëria në Ukrainë. Në bordin e saj ndodheshin gjithsej nëntë anëtarë të ekuipazhit, nga të cilët tetë ishin shtetas turq dhe njëri ishte shtetas azerbajxhanas.
Një anije mallrash që transportonte rreth 8,000 tonë sodë u fundos në veri të ishullit Andros në Greqi, ndërsa të 9 anëtarët e ekuipazhit u shpëtuan me sukses nga autoritetet bregdetare.
Sipas informacioneve zyrtare, anija po lundronte nga Shqipëria drejt Ukrainës dhe mbante flamurin e Vanuatus. Ajo pësoi dëmtime të rënda pasi u përplas me shkëmbinj në një zonë të vështirë detare, duke çuar më pas në fundosjen e saj.
Në anije ndodheshin gjithsej nëntë anëtarë të ekuipazhit, nga të cilët tetë ishin shtetas turq dhe njëri ishte shtetas azerbajxhanas. Të nëntë marinarët u shpëtuan me sukses në një operacion nga Roja Bregdetare.
Sipas mediave greke dy nga marinarët u nxorën nga zona detare nga një anije e Rojës Bregdetare, ndërsa shtatë të tjerët u gjetën dhe u shpëtuan nga një vend shkëmbor i paarritshëm në Andros.
Të shpëtuarit u transportuan shëndoshë e mirë në portin e ishullit dhe, sipas informacioneve fillestare, janë në gjendje të mirë shëndetësore.
Anija e pasagjerëve Samos, tre anije kalimtare dhe një helikopter i Forcave Ajrore iu afruan vendit të rrëzimit për të ofruar ndihmë.
Kushtet e motit në zonë ishin të mira, gjë që kontribuoi ndjeshëm në shpëtimin me sukses të ekuipazhit. Shkaqet e mbytjes dhe fundosjes po hetohen nga autoritetet kompetente.
Shqipëria as nuk prodhon dhe as nuk shet sodë. Prandaj titulli direkt cënon vëndin tonë. Tek ne, kjo sodë bëri vetëm tranzitin, mbasi anija nuk ka vetëm një blerës. Ok plako ?