Shkruar nga Pamfleti
Gazetari Ferdinand Dervishi ka treguar si nisi përplasja mes bandave të Aldo Bares dhe Laert Haxhiut.
Në një intervistë për “Euronews Albania” ai tha se e gjitha nisi kur bandën e Aldo Bares filloi ta sulmonte shteti dhe në këtë kohë ai u godit edhe nga grupet rivale. Ai u shpreh se në këtë grup ishte Laert Haxhiu dhe Orges Bilbili.
“Lushnja është një qytet i vogël që e mori peng Aldo Bare për 3-4 vjet. Ai bëri gabimin e madh që ngriti dorë kundër shtetit dhe shteti e goditi pasi nuk kishte si ta lejonte aq shumë.
Ai u godit, pati edhe të penduar, si Petrit Liçi dhe u vërtetuan shumica e këtyre ngjarjeve dhe u godit kjo strukturë kriminale. Këta u goditën aq fort sa kundërshtarët e panë veten të fuqizuar dhe filluan të merrnin hak për njerëzit e tyre që i kishte vrarë kjo bandë.
U ngrit ky grup ku ishte Bilbili dhe Haxhiu. Filluan ta merrnin edhe këta qytetin peng, se vrasjet e këtyre e kanë terrorizuar qytetin e Lushnjës njëlloj si banda e Aldo Bares”, u shpreh Dervishi.
