FLASH
Shkruar nga PamfletiJu ftojmë të ndiqni zhvillimet kryesore nga kronika e zezë deri në këtë orë të ditës, ku ndër të tjera veçojmë:
Inspektoriati i Lartë i Drejtësisë ka nisur hetim disiplinor ndaj gjyqtares Irena Gjoka, pas deklaratës së saj se nuk kishte dijeni për një dënim në Greqi.
Seanca për Bledar Polovina, i akuzuar për atentatin ndaj ish-prokurorit Arjan Ndoji, u shty; ai lokalizohet në Shtetet e Bashkuara të Amerikës dhe SPAK kërkon gjykim në mungesë.
Në GJKKO dëshmoi edhe i afërmi i biznesmenit Çajup Selimi, i vrarë në 2021, duke treguar gjetjen e plumbit dhe situatën në shtëpi.
Në Baks-Rrjoll, protestat kundër ndërtimit të resortit “Blue Borgo” vazhduan; banorët u përplasën me policinë, një person u lëndua dhe 6 u arrestuan.
Në Tiranë, aksidenti ku humbi jetën një 7-vjeçar ndodhi kur fëmija tentoi të mblidhte monedha; goditja fatale erdhi nga automjeti i dytë, ndërsa drejtuesi i parë transportoi fëmijën në spital.
Një 32-vjeçar në Elbasan u arrestua duke drejtuar automjet me fenelina policie dhe armë, ndërsa në Kosovë, efektivi Aurel Kaziu u pezullua për transport të 1 milion eurove nga Serbia.
Në Burgun e Domokos u krye operacion ku u sekuestruan thika në qelitë e Alket Rizaj dhe “Sandrit”; kontrolle do të shtrihen në të gjitha burgjet.
Babai i Denis Ruçi, viktimë e aksidentit të Tempit, kërkon riekspertim të trupit pas shtyrjes së zhvarrimit në Greqi.
Një sulm me thikë në Gig Harbor la 4 të vdekur; autori 32-vjeçar u qëllua për vdekje nga policia dhe po hetohet marrëdhënia me viktimat.
Lini një Përgjigje