FLASH
Shkruar nga Pamfleti
Ai shtoi se kjo është humbja e parë politike e Edi Ramës në 12 vitet e tij në pushtet, pasi deri tani nuk kishte njohur asnjë disfatë të tillë.
Gazetari Roland Qafoku e ka cilësuar si një “fitore të madhe” për Erion Veliajn, vendimin e sotëm të Gjykatës Kushtetuese, e cila shfuqizoi vendimin e Këshillit të Ministrave për shkarkimin e tij nga posti i kreut të Bashkisë Tiramë.
Qafoku tha se ky vendim është një ditë e mirë për Shqipërinë;
“Është një triumf i drejtësisë mbi një padrejtësi”, tha gazetari.
Sipas tij, Erion Veliaj jo vetëm ka fituar një betejë juridike, por edhe një betejë politike të drejtpërdrejtë me kryeministrin Edi Rama.
“Veliaj ishte i vetmi politikan i rangut të lartë që paditi vetë kryeministrin dhe e fitoi. Kjo është një fitore e madhe për të”, deklaroi Qafoku.
Ai shtoi se kjo është humbja e parë politike e Edi Ramës në 12 vitet e tij në pushtet, pasi deri tani nuk kishte njohur asnjë disfatë të tillë.
“Me kë ka humbur Edi Rama këto 12 vite? Me askënd. Kjo është beteja e parë që ai humbet, dhe atë e fitoi Erion Veliaj”, tha gazetari.
Lini një Përgjigje