FLASH
Shkruar nga Pamfleti
Ministri i Jashtëm i Iranit, Abbas Araghchi, ka hedhur poshtë pretendimet e administratës së ish-presidentit amerikan Donald Trump se Teherani po përgatiste një sulm parandalues ndaj Shteteve të Bashkuara ose forcave të tyre ushtarake.
Në një reagim publik në rrjetin social X, Araghchi i cilësoi këto akuza si “një gënjeshtër të pastër dhe absolute”, duke i konsideruar si përpjekje për të justifikuar veprimet ushtarake të ndërmarra nga SHBA.
Duke iu referuar emërtimit amerikan të operacionit ushtarak, “Operacioni Epic Fury”, diplomati iranian deklaroi se narrativi për një sulm të mundshëm iranian është përdorur për të legjitimuar ndërhyrjen.
Sipas tij, “qëllimi i vetëm i kësaj gënjeshtre është të justifikojë Operacionin ‘Gabim Epik’, një aventurë të keqe të organizuar nga Izraeli dhe të paguar nga amerikanët e zakonshëm”.
Kujtojmë se, më herët Trump ka deklaruar se sulmi amerikan ishte parandalues, pasi sipas tij Irani po përgatiste goditje kundër interesave amerikane.
Ai tha se objektivi i operacionit ishte “të mbrojë popullin amerikan duke eliminuar kërcënimet e menjëhershme nga regjimi iranian”.
Lini një Përgjigje