Bota15 Maj 2023, 09:39

Balotazhi rrezikon Erdogan/ Kandidati i pavarur Sinan Ogan gati të mbështesë Kilicdaroglu, por vendos kushte

Shkruar nga Pamfleti

Balotazhi rrezikon Erdogan/ Kandidati i pavarur Sinan Ogan gati të

Sinan Ogan deklaroi se do të mbështesë Kemal Kilicdaroglu në raundin e dytë vetëm nëse partia pro-kurde “HDP” do të përjashtohet nga sistemi politik. Kandidati i pavarur nacionalist Sinan Ogan, grumbulloi më shumë se 5% të votave. Turqia me shumë mundësi do shkojë në balotazh dhe mbështetja e kandidatit të pavarur i jep fitoren Kilicdaroglu nëse ky i fundit dhe Erdogan ruajnë votat që kanë.

“Unë do të mbështes Kemal Kilicdaroglu vetëm nëse HDP përjashtohet nga sistemi politik,”  vuri në dukje Ogan, duke folur për Der Spiegel.

Ogan i ka kaluar të gjitha pritshmëritë në raundin e parë të zgjedhjeve, si rezultat i së cilës është kthyer në një pikë kyçe të garës. Vlerësohet se ai ka marrë mbështetje nga votuesit nacionalistë të pakënaqur me Erdoganin.

“Dëgjuam se janë bërë disa manipulime në procedurat e numërimit të votave jashtë vendit. Po paralajmëroj Këshillin e Lartë Zgjedhor.

Merrni menjëherë masat e nevojshme dhe sigurohuni që procedurat e numërimit të votave të kryhen shpejt. Për më tepër, ne nuk do të lejojmë manipulimin e votove.

Kaq deri në raundin e dytë”, përfundoi ai.

turqia zgjedhje