FLASH
Shkruar nga Pamfleti
Presidenti turk, Recep Tayip Erdogan, u takua javën e kaluar me djalin e Donald Trump, Donald Trump Jr., në Stamboll. Takimi u zbulua nga kreu i Partisë Republikane Popullore (CHP) kryesore të opozitës, Ozgur Ozel, i cili tha se u diskutuan çështje që lidhen me Gazën dhe biznesin.
Një burim nga presidenca pohoi se ishte një "takim formal", gjatë të cilit nuk u diskutua as situata në Gaza dhe as ndonjë çështje biznesi. Sipas burimeve të cituara nga Middle East Eye, Donald Trump Jr. shoqërohej nga një delegacion.
“Ndërsa Palestina po rrjedh gjak, ata po bëjnë biznes me djalin e Trump përmes kompanive dhe lobeve”, argumentoi Ozel, duke shtuar se për çështjen palestineze, Erdogan pretendon të kritikojë kryeministrin izraelit Benjamin Netanyahu, por nuk thotë asnjë fjalë për Trumpin.
Një burim turk pranë Erdoganit i tha DW të mërkurën se Trump Jr. u takua me presidentin, por e përshkroi takimin thjesht si një "vizitë zyrtare". Burimi pohoi se nuk u zhvillua asnjë diskutim zyrtar rreth Gazës apo çështjeve të tjera specifike, duke hedhur poshtë pretendimet e Özelit.
Edhe pse 47-vjeçari nuk mban asnjë rol zyrtar në administratën e të atit, ai konsiderohet një figurë me ndikim të madh në Shtëpinë e Bardhë. Ai aktualisht shërben si nënkryetar ekzekutiv i Organizatës Trump. Sipas MEE, Trump Jr. vizitoi Turqinë i shoqëruar nga disa biznesmenë me të njëjtat interesa.
Lini një Përgjigje