FLASH
Shkruar nga Pamfleti
Presidenti i SHBA-së, Donald Trump, tashmë 79 vjeç dhe presidenti më i moshuar i zgjedhur ndonjëherë në këtë post, është shfaqur sërish me sytë mbyllur gjatë një mbledhjeje të kabinetit, duke ngritur edhe një herë pyetjet mbi vitalitetin dhe gjendjen e tij shëndetësore. Por vetë Trump thotë se arsyeja nuk është gjumi, por thjesht mërzia.
“Ishte një mbledhje vërtet e mërzitshme, për të qenë i sinqertë. Të gjithë po flisnin, njëri pas tjetrit, si recitim,” tha ai me stilin e tij të zakonshëm, gjatë një interviste informale. Episodi në fjalë ndodhi gjatë një seance të gushtit të kaluar, që zgjati mbi tre orë dhe në të cilën Trump, i rrethuar nga anëtarët e kabinetit që i drejtonin lavde, u pa disa herë me sytë mbyllur, pa reagim. “Nuk është se flija, thjesht po mendoja… diku tjetër,” shtoi ai.
Opozita demokrate, nga ana tjetër, ka interpretuar pamjet si shenja të qarta të lodhjes ose përgjumjes, ndërsa kritikat për mungesë transparence mbi shëndetin e presidentit janë shtuar, sidomos pas disa imazheve që kanë qarkulluar ku Trump shfaqet me shenja të dukshme të mavijosura në duar, herë në të djathtën, herë në të majtën.
Në një intervistë për Wall Street Journal, Trump u përpoq t’i shpjegonte ato me faktin se po merrte një dozë të lartë të përditshme aspirine, e cila, sipas mjekëve, po ndikonte në hollimin e gjakut dhe duhej reduktuar. “Nuk dua që zemra ime të përpiqet të pompojë gjak të trashë,” u shpreh ai me gjuhë të thjeshtuar.
Lini një Përgjigje