FLASH
Shkruar nga Pamfleti
Gjermania nuk do të marrë pjesë në një operacion ushtarak ndërkombëtar për mbrojtjen e anijeve tregtare në Ngushticën e Hormuzit, deklaroi ministri i Jashtëm gjerman Johann Wadephul.
Në një intervistë për televizionin publik ARD, Wadephul u pyet nëse Berlini mund të bëhet pjesë aktive e konfliktit në rajon. “A do të bëhemi së shpejti pjesë aktive e këtij konflikti? Jo”, u përgjigj ai.
Deklarata e tij vjen në prag të Këshillit të Ministrave të Jashtëm të Bashkimit Evropian, ku pritet të diskutohet mundësia e zgjerimit të misionit evropian Aspides në Ngushticën e Hormuzit.
Sipas Wadephul, siguria në këtë korridor strategjik, një nga rrugët kryesore për transportin global të naftës, mund të arrihet vetëm përmes një zgjidhjeje të negociuar dhe dialogut me Iranin.
Ai theksoi se qeveria gjermane ka një qëndrim të qartë, të mbështetur edhe nga kancelari Friedrich Merz dhe ministri i Mbrojtjes Boris Pistorius, se Berlini nuk synon të përfshihet në konflikt.
Shefi i diplomacisë gjermane shtoi gjithashtu se Shtetet e Bashkuara dhe Izraeli kanë deklaruar se synimi i operacioneve të tyre është shkatërrimi i kapaciteteve ushtarake të Iranit, veçanërisht programeve bërthamore dhe raketore.
“Ne presim të informohemi dhe të mbajmë kontakt për zhvillimet, dhe të përfshihemi kur të vijë momenti për të nisur negociatat”, tha ai, duke shtuar se Gjermania do të dëshironte të merrte pjesë në procesin diplomatik.
Ndërkohë, presidenti amerikan Donald Trump ka sugjeruar që disa vende të dërgojnë forca ushtarake për të garantuar sigurinë e navigimit në Ngushticën e Hormuzit, e cila është jetike për furnizimin global me energji dhe është kërcënuar nga autoritetet iraniane me sulme ndaj anijeve të lidhura me vendet perëndimore.
Tani ka dale shtrin doren e lyp si arixhofke. Ia mori fytyren Amerikes.