FLASH
Shkruar nga Pamfleti
Ministri i Jashtëm rus, Sergej Lavrov, ka akuzuar Perëndimin për zgjatjen e luftës në Ukrainë, pasi sipas tij pa ndihmën e tyre konflikti do të kishte përfunduar shumë kohë më parë.
Ai tha se një gjë të tillë e pranon edhe vetë Ukraina, e cila i bënë thirrje vazhdimisht Perëndimit ta furnizojë me armë sepse përndryshe do ta humbasin luftë. Lavrov tha se kjo tregon se Perëndimi është pjesëmarrës i drejtpërdrejte në konflikt.
“Siç thonë vetë udhëheqësit ukrainas, nëse nuk vazhdojnë të furnizojnë Ukrainën me armë gjithnjë e më agresive, atëherë ata do ta humbin luftën. Dhe ky është një pranim karakteristik, që do të thotë vetëm një gjë: Perëndimi është pjesëmarrës i drejtpërdrejtë në këtë luftë. Pa të, konflikti do të kishte përfunduar shumë kohë më parë dhe kërcënimet që nga fillimi i grushtit të shtetit në 2014 kanë qenë të varura mbi të gjithë popullsinë rusisht-folëse të vendit të quajtur Ukrainë do të ishin eliminuar”, tha Lavrov.
Ministri rus vazhdoi më tej të akuzonte edhe qeverinë ukrainase të cilën ai e quajti “naziste”, se ishte ndihmuar nga Perëndimi për të shkatërruar gjithçka ruse në territorin e saj. Ai shtoi se Rusia nuk do ta tolerojë më Perëndimin i cili sipas tij me metoda naziste ka shpallur një luftë hibride kundër Federatës Ruse.
“Regjimi nazist në Kiev u përdor nga Perëndimi jo vetëm për të shkatërruar gjithçka ruse, e cila ka ekzistuar gjithmonë në Ukrainën moderne, por edhe për të krijuar kërcënime të drejtpërdrejta për sigurinë e Federatës Ruse, duke përfshirë krijimin e bazave ushtarake dhe infrastrukturës tjetër të Aleanca e Atlantikut të Veriut. Ne nuk mund të tolerojmë më vijën e Perëndimit, i cili ka vendosur edhe një herë të zgjedhë teorinë dhe praktikën naziste për të shpallur këtë herë një luftë hibride kundër Federatës Ruse”, shtoi Lavrov.
Lini një Përgjigje