Bota27 Shkurt 2023, 08:44

Marrëveshja finale pas Brexit-it, Sunak takon sot presidenten e KE

Shkruar nga Pamfleti
Marrëveshja finale pas Brexit-it, Sunak takon sot presidenten e KE
Kryeministri i Britanisë, Rishi Sunak dhe presidentja e Komisionit Evropian Ursula von der Leyen

Kryeministri i Britanisë, Rishi Sunak dhe presidentja e Komisionit Evropian Ursula von der Leyen do të takohen sot për "bisedimet përfundimtare" për Brexit.

Kryeministri dhe presidenti pritet të takohen vonë në drekë në Berkshire për të diskutuar traktatin e Brexit, tha Downing Street teksa publikoi detajet e takimit.

Mbretëria e Bashkuar dëshiron të ndryshojë marrëveshjen aktuale – e cila parasheh kontrollimin e disa mallrave kur ato hyjnë në Irlandën Veriore nga pjesë tjera të Britanisë së Madhe. Një marrëveshje e re është duke u pritur tash e disa ditë.

Zëvendëskryeministri britanik, Dominic Raab, ka thënë më herët se Mbretëria e Bashkuar dhe Bashkimi Evropian janë shumë afër marrëveshjes dhe që blloku evropian i ka tejkaluar disa çështje. Zyrtarët britanikë kanë thënë se deri më tani janë zhvilluar “qindra orë bisedime” dhe se është arritur “përparim konstruktiv”.

Marrëveshja e ashtuquajtur, Protokolli i Irlandës Veriore, është nënshkruar nën udhëheqësinë e ish-kryeministrit britanik, Boris Johnson, teksa Mbretëria e Bashkuar është larguar nga Bashkimi Evropian. Sipas marrëveshjes, Irlanda Veriore ka vazhduar të ndjekë disa ligje të BE-së, ashtu që mallrat të mund të transportohen lirshëm në kufirin e Republikës së Irlandës, pa kontrolle.

Mirëpo mallrat që nisen nga Anglia, Skocia dhe Uellsi kontrollohen kur të arrijnë në portet e Irlandës Veriore. Kritikët besojnë se një marrëveshje e tillë zvogëlon pozicionin shtetëror brenda Mbretërisë së Bashkuar, si dhe aftësinë për të kryer tregti. Britania është larguar nga Bashkimi Evropian më 31 janar të vitit 2020, pas një referendumi kundër anëtarësisë në këtë bllok. Ajo ka qenë pjesë e bllokut evropian prej 1 janarit të vitit 1973.