FLASH
Shkruar nga Pamfleti
Nuk është zonë lufte, por janë pasojat e shkaktuara nga drejtuesi i një automjeti që nën efektin e kokainës pothuajse shkatërroi gjithçka me makinën e tij në qendrën e qytetit.
John Boyle, 33-vjeç, aksidentoi madje edhe 4 të rritur dhe një fëmijë, por që të gjithë jashtë rrezikut për jetën.
Një zyrtar policie tha se ishte "një mrekulli" që askush nuk kishte vdekur.
Boyle, 33 vjeç, kishte marrë kokainë dhe kishte dalë i dehur nga një pub përpara se të shkaktonte një valë shkatërrimi të plotë në qendër të Milnathort, Kinross-shire.
Ai u paraqit në gjykatë në Perth ku u përshkruan detajet e krimit të tij. Sherifi Simon Collins pa fotografi të shkatërrimit të pastër të lënë nga Boyle në rrugë.
"Do të kisha menduar se kjo ishte një mrekulli. Fotografitë që kam parë janë si një zonë lufte”, tha ai.
Një burrë i përfshirë në incident, Jonathan Gardner, po drejtonte një VW Up kur u detyrua të ndërronte drejtimin shpejt për të shmangur përplasjen nga Boyle.
Gardner pësoi lëndime në qafë. Pas kësaj, Patrick Byrne po ngiste makinën përpara Boyle kur shoferi i dehur u përplas me shpejtësi të lartë në pjesën e pasme të makinës së tij.
Mitsubishi ASX i Byrne u rrokullis.
Vala e shkatërrimit e Boyle nuk u ndal, pasi ai u përplas ballë për ballë me Honda Jazz-in e David Mackenzie-Mills. Më pas, makina u rrokullis me shpejtësi dhe u përplas me një VË Sharan të parkuar. Gjithashtu u përplas me një Vauxhall Crossland të drejtuar nga Ann Gardner.
Lini një Përgjigje