FLASH
Shkruar nga Pamfleti
Elbasani e ka nisur me një barazim aventurën në raundin e parë kualifikues të Ligës së Konferencës. Verdheblutë ndanë pikët me BATE Borisov, pasi sfida e zhvilluar u mbyll me rezultatin 1-1.
Vendasit kaluan në avantazh në minutat shtesë të pjesës së parë. Pas një kombinimi të bukur mes Rubin Hebajt dhe Ardit Nikajt, ishte ky i fundit që finalizoi me sukses, duke i dhënë Elbasanit epërsinë 1-0 para pushimit.
Në pjesën e dytë reagoi BATE Borisov. Në minutën e 67-të, Egor Rusakov shënoi me kokë, duke barazuar shifrat në 1-1.
Pavarësisht rasteve të krijuara deri në fund, asnjëra nga skuadrat nuk arriti të gjente golin e fitores. Si pasojë, gjithçka mbetet e hapur për ndeshjen e kthimit, e cila do të zhvillohet pas një jave në Bjellorusi, ku do të vendoset skuadra që do të sigurojë kualifikimin në raundin e dytë.
Lini një Përgjigje